Rukomet

RK Prvi as (dječ.2001 godište) prvi na turniru u Sloveniji

by Ilija Kovačević | 29:03:2016 | 21:20:59


Proteklog vikenda u Sloveniji je održan treći rukometni Kup “Koper 2016”

Nastupila su 92 rukometna tima iz sedam zemalja ; Crne Gore, Italije, Austrije, Hrvatske, Srbije, Slovačke i Slovenije.

U tri dana, od 25. do 27. marta, ukupno 1300 rukometaša je odigralo 217 veoma kvalitetnih utakmica.

Barski klub “Prvi as” bio je jedini iz Crne Gore, a dječaci godište 2001 osvojili su prvo mjesto.

Mlađani Barani koje je vodio trener Marko Dobrković učestvovali su u 5 kategorija.

Sjajan uspjeh napravili su dječaci 1999. godište, koji su bili četvrti i dječaci 2001. godište, koji su osvojili prvo mjesto. Ovi dječaci su odigrali pet utakmica do finala i sve dobili sa prosječnom gol razlikom plus 14 !.

-To je veliki uspjeh kluba koji postoji tek dvije godine, a prvi put  smo na jednom ovako velikom i značajnom takmičenju osvojili prvo mjesto i zlatnu medalju, kazao je trener Marko Dobrković i dodao ;


- Ovi rezultati dovoljno govore koliko smo bili dominantni, koliko se dobro radilo i radi u našem klubu, iako imamo zaista ne baš sjajne, da ne kažem loše uslove za rad. Jedina smo ekipa bili u Sloveniji koja trenira bukvalno na pola terena i da smo bili jedina ekipa koja utakmice nije igrala u dresovima već u majicama, ali im to nije smetalo da pokažu da su najbolji. Nadam se da će svi u gradu vidjeti o kakvoj se djeci i talentima radi i da će se konačno šira društvena zajednica okrenuti našem malom klubu koji postiže velike rezultate – kazao je trener Dobrković
 
Igrači koji su osvojili prvo mjesto ispred RK Prvi as ; Emir Mujić, Nikola Ćorić, Nikola Kojičić, Irfan Hajdarović, Perica Junković, Andrija Labudović, Mladen Popović, Arijan Agović, Aldin Šlaković, Edis Šutković, Miloš Mijušković, Damjan Vučević, Luka i Viktor Karanikić, Meris Bošnjak, Andrej Dobrković, Bogdan Mijušković i Elvis Petović. 


Najbolje muške rukometne ekipe koje su osvojile turnir u različitim kategorijama bili su iz klubova ; RK Prvi as Bar, RK Buzeta, RK Rudar iz Rudače, RK Celje Laško Pivovarna i RK Trst Rijeka.

Najbolje ženske rukometne ekipe koje su osvojile turnir u različitim kategorijama bili su iz klubova: RK Piran, ŽRK Ning, ŽRK Bastion, RK Logician, Žurd dill, ŽRK Izola.
Utakmice su igrane u šest dvorana.